AVB y ARUBIANO a organisa mainta cu futbol specialmente pa muchanan di Scol Paso pa Futuro

ORANJESTAD (AAN): Diaranson mainta,  marca nacional Arubiano hunto cu  AVB y team nacional di Aruba y di Hulanda,  a organisa  un bishita hopi special na Scol Paso pa Futuro, pa e muchanan comparti cu e top players cu a bin di Hulanda !

            Nan a ser ricibi cu un caluroso bonbini di e directora Sra . Doris, Elton Hart di board y tur maestranan!

            E muchanan di skol Paso pa Futuro a hunga y score cu tur e teamplayers nan y pasa un rato deportivo cu hopi entusiasmo.

            Tur e maestro nan tambe a disfruta di wak e muchanan pa un rato feliz y hunga diferente “ match” cu e futbolistanan  .

            Coach David Abdul di AVB a entrega tickets di cortesia pa e muchanan cu tabata desea di wak e wega di Seleccion Aruba vs. team di Hulanda, na stadion Guillermo Trinidad!

            DIARIO ta felicita AVB y e hungadornan di Hulanda cu e tremendo proyecto y labor cu ta hasiendo full e siman aki, pa Aruba y hobennan den deporte, diferente scol y instancianan.

            ARUBIANO marca nacional tambe ta gradici e oportunidad di por sigui aporta na nos muchanan.