Automobilistanan dedicando nan mes pa perfecciona sonido riba nan auto

ORANJESTAD (AAN): Actualmente na diferente pais, caminda tin ambiente di Motorsport, ta bin dilanti e competencianan di Sound adhunto.

   Na Aruba esaki no a keda afo y na diferente oportunidad, nos por a disfruta di Car show, caminda tambe tabata percura pa e autonan aki cu ta competi pa best sound, tey presente.

   DIARIO a topa cu e grupo aki na Aruba Carnival & Entertainment Village.   E competencianan cada biaha ta bira mas competitivo y speakernan ta bira mas poderoso, esey sin por laga afo, e multiple amplifier cu ta worde instala, pa asina lanta e amp di cada speaker, na su maximo.

   Riba e potretnan aki, por mira con e sistema aki ta hinca den otro y pa esnan cu no sa, pero e sistema aki ta zona hopi duro, cu tin biaha, habitante ta pidi asistencia di Polis, pa sina e usuario baha e volume poco.