ORANJESTAD (AAN): Algun dia pasa, un persona kende tabata encarcela den Prison di KIA, a zak den otro algun rato despues di a caba di hunga Basketball eyden.
E temperatura riba e Diamars ey tabata basta halto, combina cu humedad halto y esaki automaticamente ta pone hendenan sinti un calor inmenso.
Fuera di esey, despues di e weganan di Basket aki bao di solo intenso, na final e preso masculino ta djis bay bek paden bao dak pa baña. Corda cu partinan paden tambe ta cayente como cu ta obvio cu no tin airco.
Ora cu cuidadornan di preso a bin haye sin ningun señal vital den e baño, nan a core bati alarma. Sinembargo ya mucho no por haci mas pa e preso aki. Paramediconan di Ambulans tampoco no por a haci mucho.
Oficialnan hudicial di Recherche, como tambe oficialnan forensico di BFTO tambe a acudi eynan den cuadro di investigacion.
E preso aki a biba gran parti di su bida na St. Maarten, aunke e tin algun famia ta biba na Aruba. Posibilidad ta grandi cu ta calor lo por a hunga un rol den esaki.
