Sargento Croes di Arumil:
ORANJESTAD (AAN) – Sargento Croes, di Arumil, den entrevista cu DIARIO a subraya cu e grupo di SVT cu ta den reto aworaki, ta uno hopi hoben. Entre mas hoben nan ta, e reto ta mas grandi pa traha cu nan, segun Sargento Cros.
E ta esun mas jong den edad di 17-18 e mayoria di nan. Na un forma hopi cla, Sargento Croes a splica cu nan ta den un edad cu nan caracter ta mas dificil pa laga nan compronde cierto aspectonan, por ehemplo e reglanan di e programa, pero e tin un bon team su tras pa pasa door di e reto aki.
Sargento Croes a indica cu e prome fase di e trayecto a bay bon y nan ta satisfecho cu e resultado, y e hobennan cu a keda clasifica, cu a caba e programa sigur cu haci nan esfuerzo pa bay bon.
E siguiente stap ta bay cas un rato, cu vacacion, drecha e curpa, y sigui cu nan fase di stage na e diferente lugarnan unda nan ta haya stage. Mirando e team cu Croes tin su tras, e ta sigur cu e hobennan ta bay logra e fase dos tambe. Finalmente, el a gradici tur esnan cu a duna sosten cu e grupo aki.
