ORANJESTAD (AAN): E ta un dia di suerte pa August! El a cumpra su numbernan favorito pa e wega di Big 4, y el a gana tambe!
Pesey riba Diamars el a acudi na oficina di Lotto na Playa pa reclama su premio. Aki mesora e empleadonan di Lotto a check si el a pone su firma na e banda patras di e ticket, y asina a scan e barcode den computer.
E computer inmediatamente a indica, cu August a gana e suma di 11.400 Florin cu e wega di Big 4.
Mesora a cuminza e proceso pa transferi e premio electronicamente pa su cuenta di banco.
August a indica cu e ticket ganador mes el a cumpra na Lucky Numbers Wilhelminastraat.
