ORANJESTAD (AAN): Parlamentario Endy Croes a splica cu un Delegacion di Aruba a sali fin di siman pa Bonaire unda lo bay atende varios reunion.
Manera ta conoci cu reunionnan di IPKO ( Interparlamentair Koninkrijksoverleg) ta tuma lugar (2) bes pa aña.
Na luna di Januari cada isla ta organisa esaki. Pues un aña Aruba despues Curacao y despues St Maarten y asina e ta keda rotando. E di dos reunion di IPKO semper ta tuma lugar meymey di aña na Den Haag. Durante Pandemia a cancela algun reunion y otronan a bay virtual. Hulanda na su turno a escohe pa prepara y organisa reunion di IPKO na Bonaire pa cu aña 2021.
/// Aruba - Curacao y St Maarten ta inicia cu un Tripartite:
Un dia promer cu e programa di IPKO cuminsa oficialmente Aruba, Curacao y St Maarten ta topa otro den un reunion di Tripartite. Pues Diadomingo 22 di Augustus desde 930 am di mainta te cu 5 pm atardi tin un programa bastante extenso unda Parlamentarionan di e islanan Aruba, Curacao y St Maarten lo reuni riba varios topico di interes comun di e islanan anticipando tambe algun puntonan importante cu lo wordo trata mas den siman momento e reunionnan di IPKO inicia.
Temanan manera geschillenregeling lo ta riba agenda bek den un bachi nobo. Sigur temanan manera COHO y Landspaketten tambe ta riba agenda. Un tema interesante riba agenda ta mensenrecht.
Asina tin varios temanan comun pero tambe topico cual kisas ta di interes pa un isla si y kisas e otro isla no pero lo wordo trata pa asina tur partners por compronde e tematica y brinda sosten na tur isla momento nan presenta esakinan.
Pues anticipando IPKO a inicia diadomingo cu un programa pisa den un Tripartite mientras IPKO mes lo inicia dialuna 25 di Augustus y lo termina diaranson 25 di Augustus.
Parlamentario Endy Croes ta splica cu Aruba por conta sigur cu den Fraccion di MEP Aruba lo ta dignamente y bon representa. Sinembargo ta un delegacion completo cu representante di tur Fraccion ta na Bonaire y den caso asina enfoke ta pa mantene Delegacion di Aruba riba tur punto den union cu mesun vision bringando pa e bienestar general di henter pais.
Asina semper ta logra mas. MEP como e Fraccion mas grandi liderando e Delegacion aki lo percura pa esaki resalta tambe Parlamentario Croes ta termina bisando.
{gallery}reunion Tripartite entre Aruba, Corsow y St. Maarten{/gallery}
