ATSA a reuni cu tur miembro y a ricibi hopi informacion di e proceso di renoba Cas di Cultura

ORANJESTAD (AAN): Miembronan di Aruba Timeshare Association (ATSA) a bini hunto durante

un reunion di lunch na La Cabana Beach Resort & Casino cu representantenan di gran mayoria di e isla su propiedadnan di Vacation Ownership cu a atende.

   ATSA su president, Sulaika Kelly, Playa Linda Beach Resort, a yama bon bini na tur miembro net prome cu oficialmente habri e reunion.

   Den su discurso, el a subraya e contenido di loke ta e agenda venidero raportando ariba e introduccion recien di EPI Hospitality Unit n'e mundo di Vacation Ownership. E evento interactivo cual tambe a tuma luga na La Cabana Beach Resort & Casino a envolve un grupo di studiantenan MBO kende a disfruta di un programa di mita dia totalmente interactivo concentra ariba e mundo di Vacation Ownership.

   E programa, segun Kelly, tabata dirigi na crea concientizacion di carera y oportunidadnan comercial dentro di e industria di vacation ownership na Aruba. Vicky Arens, director di Cas di Cultura, CDC, tabata un guest special durante e encuentro. El a comparti e historia di e institucion y su plan pa futuro cu ta inclui un renobacion total.

   Aruba su hogar di cultura ta actualmente recaudando fondo cu e meta pa modernisa y actualisa e facilidad actual cual ta haya bishita di alomenos 41.000 bishitante pa aña, cu mas o menos 130 diferente di evento, cu mas di 280 ora di les c'un promedio di 600 ora di drama, musica, y studiante di baile. E facilidad tambe tin un teatro profesional y unico den e parti di Reino Hulandes den Caribe. Segun Arens, hendenan cu ta biba den e centro di ciudad, den bario di Mon Plaisir, durante tempo di 1949 a compronde e necesidad di tin un luga pa dedica na arte y sirbi como e cas pa scol di musica Arubano, teatro amateur, fotografia, cine, y grupo di baile - nan tur a bini hunto y crea henter un centro cultural.

   E edificio tabata diseña pa un arkitecto Hulandes famoso, anto e prome piedra a worde poni na 1957. Cas di Cultura oficialmente a habri na 1958 y desde e tempo ey e tabata e hogar pa arte riba nos isla.

Durante ultimo añanan, a cuminsa papia mas riba renobacion, modernisacion, pa asina CDC por sirbi e comunidad p’e siguiente 60 aña. Despues di e renobacion CDC lo tin miho area backstage, espacionan pa exhibicion y galeria, un cafe/bar, hunto cu un auditorium completo.

   Mientras cu e auditorium ta actualmente cera pa un tempo, wardando renobacion, CDC ta sigui na opera su exhibicion cual ta e INCBTR, unda tin un cantidad di actividad cu ta tuma luga eynan manera Scol di Baile di Diana Antoinette, como tambe un variedad di actividadnan cultural.

   Arens a puntra miembronan di ATSA pa nan sosten financiero y pa yuda den loke ta yega n’e presupuesto, splicando e importancia di cultura y su conexion fuerte cu turismo. El a sugeri riba un nota personal pa busca un tas di CDC cu tin na benta pa solamente 25 Florin, y promove e compra cu empleadonan di ATSA, como un gestura individual.

   E encuentro a sigui despues pa cubri presupuesto 2026 como tambe e aprobacion for di miembronan riba e reunion di ATSA pa 3 di juli, 2025.

  Varios resort a raporta mehoracion grandi den capital pa loke ta proyectonan andando y un anbundancia di mehoracion di producto, incluyendo mehoramento excelente riba De Palm Island cual a inclui elementonan nobo di awa, food & beverage su inovacionnan, y paisahe.

   Den e comision, a sigui algun presentacion, na unda cu miembronan a expresa un sentido grandi di anticipacion na colabora hunto cu e Minister di Turismo den loke ta presupuesto di TPEF, Tourism Product Enhancement Fund, a identifica un cantidad di proyecto local cu ta bale la pena inverti na ora cu minister apunta miembronan di hunta nobo, y comparti un vision multi anual cu nan. Den nomber di Hospitality & Security Foundation, Pedro Vargas, Marriott Ocean Club a raporta cu e fundacion ta mirando opcion pa aumenta visibilidad den mas area turistico.

   Generalmente, tur rapport di timeshare a trece hopi satisfaccion den loke ta nivel di ocupacion, y cu cos ta mustrando hopi bon pa loke ta e temporada di ‘high season’ cu ta na caminda pa 2026.

  Comunidad completo ta invita riba 13 di november na Cas di Cultura, pa atende un evento publico unda lo tin subasta, caminda lo bende trabaonan crea pa artistanan local entre otro manera pinturanan y obhetonan artistico di Peter van Heuvel, Rene Oude Avenhuis, Marian Abath, Eliza Lejuez, Paul Wong, Yahaira Maduro, Anita Hugen, y hopi mas.