Atletanan hoben di Beach Volleyball den competencia na Republica Dominicana

ORANJESTAD (AAN): Cu sosten y apoyo di Ministro Endy Croes, Stichting Sportsubsidie Aruba y Lotto pa Deporte e Teamnan Nacional di Beach Volleyball di Aruba

a sali recien pa Santo Domingo unda nan lo bay competi den “U-23 Beach Volleyball y den e “Final Beach circuito di Norceca 2023”.

   Paisnan cu ta den e competencia aki ta Santo Domingo, Canada, Cuba, Costa Rica, USA, Bermuda, St. Kitts & Nevis, Nicaragua, El Salvador, Anguilla, St. Vincent & Grenadines.

   E disciplina di e deporte di beach volleyball ta hopi importante, tanto pa e atletanan y Aruba pasobra door di competi na e torneonan aki, Aruba lo acumula “ranking points”. Cu e points nan aki Aruba ta sigura continuacion pa por sigui competi na 2024.

   Na e torneo aki ta competi atletanan Gregory de La Cruz, Joshua Hoepelman, Vladimir Solovey, Thelion Coutinho. Entrenador ta Elmerlindo Robles de Medina. Bao guia di e entrenador, e atletanan a entrena cu hopi dedicacion y determinacion. Pa e desaroyo di e atletanan aki competencianan internacional ta un oportunidad unico y un necesidad pasobra door di e competencianan aki e atletanan por sigui desaroyo pa un nivel mucha mas halto den beach volleyball.

   Aruba Volleyball Association y tur su miembronan ta desea e atletanan tur clase di exito.