TOKYO: Un di e actonan na Weganan Olympico na Tokyo 2020, a bira viral y plama rond mundo riba Social Media. Ta trata di e sunchi cu dos atleta Italiano a duna otro den fin di siman cu a pasa.
E atletanan Marcell Jacobs y Gianmarco Tamberi, despues di a obtene medaya di oro den 100 meter plano, y den highjump, no por a wanta nan emocionnan.
Net ora e ta dunando su prome declaracion na un medio di prensa Italiano, Marcell Jacob a wordo interumpi ora cu Tamberini a yega cerca pa felicite y dune un sunchi pa e triunfo logra, y esaki a laga hopi hende impacta.
Sacudi pa e emocion, Tamberini a cuminza braza Jacobs, y despues el a pone riba nan dos e bandera di Italia, lagando nan cara scondi, sinembargo por a mira con tur dos a uni pa duna un sunchi.
E sunchi di e dos atletanan aki a causa cierto polemica di parti esnan riba Internet, cu hasta nan a cuminza traha meme di nan.
