Atalo Winklaar a bay cu VUT y a despedi di Cuerpo Policial Aruba

ORANJESTAD (AAN): Recientemente Cuerpo Policial Aruba a tene un encuentro ameno entre nan oficialnan di Polis,

amigonan, pensionado, ex coleganan di klas y famia, pa asina duna un abrazo y despedida di Onderinspecteur Chef van Dienst Santa Cruz, esta agente Atalo Winklaar.

   Agente Atalo Winklaar a pasa man pa Tetra Radio di Polis, pa asina informa cu el a tuma retiro adelanta via di e sistema di VUT, y a notifica Central di Polis di esey.  Central di Polis na su turno a gradici Winklaar pa tur yudansa semper, pa e cuida curpa, y a indica cu semper porta ta keda habri pa cualkier sugerencia.

   Na e ocasion aki tambe, Silvio de Mey conhuntamente cu algun pensionado policial a hiba palabra di gradicimiento pero tambe a mira bek riba un trayectoria bunita y largo cu Sr. Winklaar a dedica na Cuerpo Policial Aruba.