Asociacion di Timeshare a conclui encuentro exitoso reunion riba desaroyo actual di turismo

ORANJESTAD (AAN): Miembronan di Aruba Timeshare Association, ATSA, a bini hunto p’un reunion durante almuerzo na

La Cabana Beach Resort & Casino cu representantenan di mayoria propiedad di Vacation Ownership. ATSA su presidente, Sulaika Kelly, di Playa Linda Beach Resort, a yama bon bini na miembronan, presentando e agenda prome cu oficialmente a habri e reunion. El a raporta na miembronan di su asociacion riba varios otro encuentro cu gobierno y describi tur inkietud discuti cu e autoridadnan concerni.

   Durante e encuentro, miembronan tambe a ricibi un presentacion extensivo tocante biahe pa Aruba na 2025, hunto cu e status di renobacion pa loke ta nos aeropuerto, pa Mary Joan Wardlaw, Customer Relationship Officer, y Jo-Anne Arends, Aviation Business Development Executive na Aruba Airport Authority NV.

   Wardlaw a revisa e update aereo p’e aña actual, incluyendo YTD Traffic Performance cu tambe ta conta pa mei 2025 y comparti su estimadonan recien pa loke ta buelo pa Aruba y proyeccion di pasahero. Un analisis informativo di e mercado a sigui, cu update pa cada region, despues e strategia di Air Service Development a wordo comparti. E presentacion a conclui cu Gateway 2030, update pa loke ta proyecto di renobacion pa aeropuerto Reina Beatrix.

   Miembronan tabata contento di por a tende cu e aeropuerto a logra na haci e proceso di check-in pa buelo mas eficiente cu habrimento di e area nobo, asina mehorando e flow di pasahero.

   Segun Wardlaw, Aruba Airport ta un di e aeropuertonan di mas druk den region Caribe, cu mas di 24 diferente aerolinea operando akinan, contribuyendo na proceso di 3.2 miyon pasahero pa aña, brindando servicio aereo na 31 ciudad y 45 destinacion non-stop mundialmente. Aruba Airport su mercadonan ta inclui 71% di bishitante for di Merca, 3% Canada, 17% di Latino America, 5% di Europe, y 5% Caribe Hulandes.

   Di parti di ATSA, masha pabien den cumpli cu un logro grandi sostenibel pa loke ta Reina Beatrix International Airport Gateway 2030 Phase 1A Terminal Expansion. Esaki a bira e prome terminal di aeropuerto den Caribe y prome edificio na Aruba den logra un LEED Gold Certification.

   President Kelly a gradici ehecutivonan di aeropuerto pa nan presentacion. Tambe rib’e agenda, un raportahe pa medio di Pedro Vargas, Marriott Vacation Club, relaciona cu Tourism Security Patrol Aruba, TSPA, visibel riba caya y nos beachnan for di area di Ritz Carlton Resort te cu na Divi All Inclusive. Nan ta core riba nan bicicleta, uniforma den team pa percura pa siguridad den e zona turistico, un iniciativa financia pa Aruba Tourism Authority, cu fondonan genera pa Tourism Levy. Vargas a trece dilanti cu e grupo ta extensivamente train cu ayudo di Carmeleon Associates y den bon colaboracion cu Cuerpo Policial di Aruba. Jurgen van Schaijk a brinda un update riba e proyectonan actual di TPEF, notando cu e presupuesto pa 2025 ta bao discusion pa aprobacion den parlamento.

   President Kelly tambe a duna oportunidad habri na tur miembro pa papia riba nan propiedadnan, describi actividad intensivo como tambe inversion di capital, mientras tin renobacion di resorts, pools, y espacionan publico como tambe facilidadnan cu ta wordo mehora.

   Asociacion ATSA a wordo estableci na 1994, y actualmente ta conta cu un miembrecia activo di e mayoria propiedadnan vacation ownership na Aruba. E asociacion ta traha na un nivel local como tambe cu entidadnan gubernamental. Riba un nivel regional, unda cu Aruba ta sigui ricibi reconocemento como un modelo pa loke ta destinacion den vacation ownership, ATSA tin lasonan profesional tambe cu ARDA, American Resort Development Association.