Asociacion di artista DAK ta celebra su 50 aniversario cu expo 'jubilatoire' di DAK

ORANJESTAD (AAN):  Asociacion di artista DAK ta celebrando su 50 aniversario na 2023.

Cu casi cien artista miembro hunto cu artista invita, DAK ta expone mas arte cu nunca.

Di principiante hoben te artista cu pension na DAK cu nivel sorprendentemente halto.
  
SAC'I DAK di GN pa burgemeester König

            Burgemeester Kónig di Deventer, hunto cu presidente di DAK  a realiza apertura di e expo 'jubilatoire' di DAK den Lebuinus. Burgemeester König, despues a risibi di presidente di DAK, Sra. Ellen Groenewegen un SAC'I DAK cu un obra di Arte miniatura di e Arubano GN, para band'í su pintura di JAZZ ART.

            GN ta un di e docente/entrenador di pintura mas nobo di DAK. Den pasado JAZZ ART di e conocido artista Arubano/Caribeño a colga den pabeyon Hulandes durante un Art Fair mundial ( WORLDEXPO92). GN ta mustra un pintura di su conocido serie di JAZZ ART na e expo di DAK. Tambe den cierto otro intercambio cultural, Arte di GN tabata util pa nos Reino. (pa Hulanda y/o e parti di Reino den Caribe).

            Durante e exposicion di Asociacion di Artista na Deventer, tin Saco di DAK disponibel cu un surprise. Cada SAC'I DAK ta contene un surprise creativo di un artista di DAK.

Durante e aña jubilar 2023, DAK ta organisa masha hopi actividad artistico na Deventer. Artista di tur edad y nivel ta miembro di e asociacion di artista DAK. (Di principiante joven te artista cu diploma di arte academico).

            GN recientemente por a comparti su experiencia internacional como pintor di mural como supervisor di artistanan talentoso di DAK cu un mural di mas de 90 metros cuadra na Fortuinhof, pa celebra e 50 aña di DAK y como un oda na Deventer, ciudad 'Hanze'. Imagen di esaki por ser mira den e exposicion. Resultado di varios workshop tambe por ser mira den e exposicion aki. Juventud di Aventus (scol MBO) cu kier bira/ta artista tambe despues, ta mustra  resultado di  nan workshop na DAK den e expo aki.  .

            Algun artista profesional di mas famoso y/o mas reconoci den region DAK a contrata pa  guia nan miembro/artista creativo y pa stimula arte regional en general.
            E Asociacion de artista a pidi e artistanan profesional conoci pa nan tambe mustra un di nan arte representativo den e expo 'Jubilatoire'. Na de exposicion especial aki pa tur nivel, celebrando e 50 aña di DAK, pintura, ceramica, modelado, grabado y otro tecnicanan, por ser 'admira' tur dia te 6 di Augustus di 11 pa 17 hr y Diadomingo di 12 pa 16 hr, den Lebuinus. Tur hende ta bon bini. Entrada ta gratis.