Asina FFK a reconoce Calulu Comenencia como un di e mihor futbolista den historia di 100 Aña Futbol Curaçao

ORANJESTAD (AAN): Diadomingo ultimo den e stadion nobo di Federashon Futbol Curaçao, (FFK), durante un atardi ameno cu presencia di representantenan di FIFA, KNVB, CONCACAF, AVB y Federashon Futbol Bonaire,

un momento special ora cu Presidente di FFK, Sr. Shaheen Elhage a entrega Sr. Calulu Commencia un bala y pin di recuerdo como un di e mihor futbolista cu a sobresali entre 100 legendario futbolistanan di Curaçao.

   Despues di e reconocimento, legendario Calulu Commencia a ser felicita pa represented di FIFA y Presidente di KNVB Sr.Just Spee.

   Tambe potretnan ta ilustra e momentonan cu demas legendarionan di Curaçao ta felicita legendario Calulu Comenencia y alaves ta recorda e tempo nan glorioso cu Calulu Comenencia a trece hopi alegria cu su magia futbolistico den stadion di Rif hunto cu su team Sithoc.

   Un merecido Pabien pa Carlos Calulu Commencia pa e logro historico aki. Keda pendiente pa e cobertura completo muy pronto den PoetsTV.

   Imagennan cortesia Jan Poets.  Un Danki na Xiomara Beke-Commencia y PoetsTV su fiel patrocinadornan: ATCO Concrete Products NV, Ecotech, Ecogas, Atco Aruba, Tropical Bottling Company, Quick Electric y Setar NV.