Asina esnan di Housekeeping a celebra nan siman special

ORANJESTAD (AAN): Durante siman internacional di Housekeeping, e personal di Hilton Aruba Caribbean Resort nan a prepara un programa detaya di actividad,

interno como tambe externo, cu e meta pa mustra aprecio na e contribucion di e departamento resultando den operacion suave di e hotel.

   E actividadnan ta diseña pa entretene, premia y reconoce e empleadonan di housekeeping pa nan tremendo trabao, incluyendo toke diario di aprecio cumisando na dialuna cu un desayuno mainta trempan, culminando cu un happy hour di tres ora riba diabierna den un Bus Party. Durante e siman e empleadonan a disfruta di cupcakes, bingo, pizza y ice cream, den gratitud pa standard halto di limpiesa y mantencion cual nan semper sa di sobresali, den mantencion di e cambernan y espacionan publico.

    Danki pa boso trabao y compromiso, Bibi Rampersuad, Director di Housekeeping a declara, y a duna nan danki cu nan ta yuda haci e estadianan na e resort mas memorabel tambe ainda pa e bishitantenan.