Asina Elmar y Instituto KIVI a pasa na EPB Oranjestad

Pa Engineers Week

ORANJESTAD (AAN): Personal di NV Elmar y Instituto KIVI tabata na EPB Oranjestad na Hato pa Engineers Week.

   Engineers Week a cuminsa na EPB Hato cu un bishita special di ELMAR hunto cu Koninklijk Instituut Van Ingenieurs (KIVI). Durante e encuentro, studiantenan a haya un bista mas cla riba con energia ta wordo transmiti y distribui riba Aruba, y kico ta e rol di e grid nacional den hende su bida diario.

   Mas cu solamente un presentacion, e mucha nan a participa activamente den un actividad practico unda nan mes a explora con un sistema di distribucion ta traha.

   Cu iniciativa aki, NV Elmar ta sigui planta e semia di curiosidad, creatividad y ambicion den e siguiente generacion di ingenieronan.