Asina bunker y vehiculonan militar a keda na Fuerte Tiuna

Atake riba Venezuela

CARACAS: E prome atakenan di Merca a socede riba basenan militar unda a stroba avion of helicopternan di lanta vuelo, pa asina e Helicopternan Mericano por a drenta sin problema.

   Uno di esnan cu a wordo ataca ta e Fort conoci como ‘Fuerte Tiuna’ cu ta cas di e asina yama ‘Batallón Ayala’.  Explosionnan fuerte a wordo registra na e Fort aki, y riba e potretnan por mira resultado di e bomnan di precision cu a wordo uza.  Asina por mira con Batallón Ayala a keda.

   E canal CBS News a raporta cu ta na Fuerte Tiuna e militarnan a bin captura Nicolas Maduro.  Pues ta aki ta unda e tabata drumi, y infiltrantenan a duna Merca informacion detaya di e lugar aki unda e tabata kedando.

   Vehiculonan destrui cu impacto direct, of cu splinternan di bom a dal y perfora nan.  Tambe tin un bunker grandi den pida sero scondi, cu a wordo destrui door di bomnan cu ta penetra concrete.

   Ora cu a bay revisa e area, a haya algun lugar cu mancha di sanger, indicando cu tin oficialnan militar riba e Fort aki cu a keda herida.