Atake riba Venezuela
NEW YORK: Nicolas Maduro a baha Diasabra anochi cu man na boei, di e avion militar Boeing 757 cu a transport’e pa New York, hunto cu e personal di custodia cu a acompañ’e.
E mandatario Venezolano a yega na Base di National Guard na area di Stewart, cu ta un aeropuerto militar den parti nort di New York, unda decenas di agentenan di diferente agencia federal, e.o. FBI, Drug Enforcement Administration (DEA) tabata sperando riba dje, na un temperatura di -2 grado Celsius.
For di eynan, a traslada Nicolas Maduro den helicopter pa Metropolitan Detention Center (MDC) cu ta un prison federal situa den distrito di Brooklyn.
Na su yegada, a hasta pone riba un stoel y asina a saca potret hunto cu ne.
