PARAMARIBO: Como 3.000 hende na Suriname, principalmente esnan di origen Asiatico den ultimo dianan a laga nan mes wordo vacuna durante e ‘soft launch’ di e campaña di vacuna cu e vacuna chines Sinopharm contra Covid-19.
Na luna di Juni, Suriname a ricibi 100.000 dosis di e vacuna Chines aki di Gobierno na Beijing. Hopi Chines na Suriname a keda warda pa nan haya e vacuna, te ora cu esun di Sinopharm ta disponible. Esaki debi na e bon experiencia cu nan amigo y famianan na China tabatin cu e vacuna aki.
Sinopharm ta un vacuna di e compania estatal Sinopharm. Na comienzo di Mei di e aña aki el a wordo aproba door di WHO pa uso mundial. Como 6.000 persona asiatico na Suriname a laga registra nan mes pa wordo vacuna cu Sinopharm. Di nan, como 1/4 di nan tin nacionalidad Surinameño. Aki por mira e rij largo di asiaticonan pafo di Politie Opleidingscentrum (POC) na Paramaribo ta wardando nan turno.
