PORT OF SPAIN: Informacion nobo e siman aki ta indica cu Arzobispo Charles Jason Gordon di Port of Spain,
y cu tambe ta presente awor pa islanan ABC, a wordo apunta pa e Dicasterio di Vaticano pa atende dialogonan interreligioso. Esaki a wordo dicidi door di Papa Leo XIV mes.
Den un declaracion, e Conferencia Episcopal di Antillas (AEC) a indica cu e niombramento di Gordon (kende ta president tambe di AEC) ta refleha e confiansa di Papa den e delegacion y e dedicacion di hopi tempo di e Arzobispo pa promove dialogo, comprondemento, y colaboracion entre personanan di diferente tradicion di fe.
“Su Gracia ta uno na un grupo distingui di Cardinal, Arzobispo, Obispo, y Vicarionan di rond mundo riba e ministerio importante aki di promove paz y respet mutuo entre religionnan,” ta loke AEC a declara.
Papa Franciso a nombra 21 miembro nobo pa e Dicasterio, incluyendo Carnival Pierbattista Pizzaballa, OFM, kende ta Patriarco di Jerusalem (Israel), Cardinal Tarcisio Isao Kikuchi, kende ta Arzobispo di Tokyo, Cardinal Dominique Joseph Mathie, kende ta Arzobispo di Tehran (Iran), y Cardinal Frank Leo, kende ta Arzobispo di Toronto.
E Dicasterio pa Dialogo Interreligioso ta responsabel pa mehora dialogo entre Iglesia Catolico y miembronan di otro religionnan, como parti di e mision di Vatican pa construi brugnan y promove paz entre tur fe.
