Arumil di Aruba hunto cu St. Maarten cu exitoso training riba e isla

ORANJESTAD (AAN): Recientemente e mariniernan di St. Maarten y tambe Aruba, cu hopi animo a participa den e curso di rastreo riba teritorio na Aruba.

   E curso aki di “Military Tracking”, ta un specialidad cu ta rekeri cu e militarnan mester tin e habilidad pa keda vigila, y acumula informacion encuanto un persona of grupo, door di reconoce y interpreta señalnan laga atras, manera rastronan di zapato y pia, y tambe sushedad cu nan ta laga atras.  Hasta tin di check cualkier yerba trapa, of takinan di mata cu a kibra.

   A compronde cu e curso di tracking aki a resulta exitoso, y cada militar a siña algo mas durante esaki.