Aruba tambe a cuminza pone boeinan di FADS den lama pa atrae pisca

ORANJESTAD (AAN): Lectornan di DIARIO por corda con aña pasa a tene diferente combersacion y reunion riba e proyectonan di FADS

cu ta encera un tipo nobo di boei cu ta worde poni riba lama, pero cu ta bay atrae mas pisca cu lo yuda piscadornan.

   Bon noticia ta cu Aruba a dicidi na activa e proyecto aki, y a duna luz berde pa esaki start. 

   Riba Diahuebs, Departamento di Agricultura Cria y Pesca Santa Rosa hunto cu su Seccion di Pesca bao guia di hefe Byron Boekhoudt tabata riba lama grandi pa asina Hunto cu Varadero Marine instala e asina yama FADS (Fish Aggregating Devices) pa e piscadornan di Aruba.

   Esaki ta Danki na Gobierno di Aruba cu a pone fondonan disponibel pa realisa e proyecto, y claro cu Santa Rosa semper sosteniendo y aportando.

    FADS ta un structura di boei y cabuya den lama cu a worde demostra claramente rond mundo di ta atrae pisca.

   No ta conoci cuanto boei di FADS lo wordo instala na Aruba.    Beneficionan di FADS pa piscadornan ta e.o. menos gasto di gasolin y menos tempo pa bay busca pisca.  Pasobra den cercania di un FAD semper pa un forma of otro, lo bo haya cantidad grandi di pisca.