ORANJESTAD (AAN): Departamento di Salud a indica cu e asina yama “HANGUA NACIONAL DI VACUNACION”
ta marca 62%, loke ta demostra cu Aruba ta riba bon caminda. E meta ta 85%.
E porcentahe aki a wordo alcansa despues di e fin di siman di e vacunathon II. Comunidad mester por sigui vacuna pa por progresa y 'move on'!
Corda cu vacuna ta un acto di solidaridad y responsabilidad conhunto. NIUN por keda atras.
Vacunacion lo trece comunidad hunto atrobe!
Te cu awor a haya e prome dosis un total di 41,918 y falta 18,432 den e grupo di 18-59 aña.
Den e grupo di edad di 60 plus un total di 19,283 a haya nan prome dosis y falta un total di 4,517.
