ORANJESTAD (AAN): Aruba a tuma parti den UNESCO MONDIACULT 2025, e conferencia mundial mas grandi riba cultura, cu mas di 160 pais presente.
E delegacion di Aruba tabata dirigi pa Michael Lampe, Diplomatico Cultural y Lider di Delegacion, acompaña pa Liesje Proveyer di Departamento di Cultura Aruba (DCA) como representante di hubentud, y Ray-Anne Hernandez di UNESCO Aruba National Commission.
E tema principal di MONDIACULT 2025 ta cla: cultura mester wordo trata como un pilar
fundamental pa desaroyo sostenibel, igual cu educacion y salud.
Palabra di Lider di Delegacion, Michael Lampe
“Mi ta sumamente orguyoso di e delegacion di Aruba na MONDIACULT 2025. Nos hunto a
demostra cu cultura ta e fundeshi di nos identidad y futuro. Aruba por ta chikito, pero ora nos
uni nos bosnan y experticio nos por pone Aruba su voz resona fuerte den mundo.”
