Aruba su Barista Champion 2023 ta cla pa competi den 'Barista Championship' na Costa Rica

ORANJESTAD (AAN): Tin bastante trabou ora ta elabora un bebida na Starbucks y e baristanan di Starbucks sa esaki.

Sea ta un espresso, un latte, cappuccino of un Flat White- tur bebida ta wordo traha cu pasion dor di baristanan cu tin orguyo pa demostra nan abilidatnan y di e forma ey eleva e experencia di e cliente y calidad di e producto.

            Aruba su representante, Mistika Cork cu a destaca den e mundo di koffie ta cla pa hasi su debut den e industria di koffie international despues di a gana Starbucks Barista Championship 2023 aki na Aruba.

            Mistika ta un barista cu experiencia di 12 anja na Starbucks Renaissance Mall. Pa Mistika coffee ta representa conection cu su clientenan. E ta un satisfashon inmenso ora cu un cliente yega su tienda y puntra specialmente pa e y pa e traha nan bebida preferi. Mistika su bebida di Starbucks preferi ta Chai Tea Latte, asina e mes ta conta.

            Miles di barista rond di mundo a competi recientemente demostrando asina nan arte, inovashon den bebida y conocemento di koffie. Como e ganadora di Aruba, Mistika como tambe ganadora di Curacao, Rozalia Franciska lo competi contra barista nan di Latino America & Caribe na e competencia final di ‘LAC Barista Championship’ cu e speransa di gana e titulo di e mihor barista di e region. E competencia lo tuma lugar dia 13 pa 16 di November na Hacienda Alsacia, cual ta un finca di koffie na Costa Rica y sede global di agronomia, asina Sra Wanda Broeksema; district manager di Starbucks Aruba & Curacao ta declara.

            Barista ta hunga un rol crucial den exito di Starbucks, y e LAC Barista Championship ta ofrece nan un plataforma pa mustra nan talento y pashon pa koffie, asina Tom Ferguson, presidente di Starbucks pa Latinoamerica y e Caribe a splika. “Atraves di e competencia, compartiendo historia cu otro por medio di coffie cu nan coleganan, nos baristanan ta reforsa e Mision di Starbucks: cu kada copi di koffie, cu kada conversashon, cu kada evento den  comunidad – nos ta crea conecshonan humano.”

            Nos ta desea ambos barista hopi exito durante e competencia final na Costa Rica.