Awenochi tin lectura di esaki pa piscadornan
ORANJESTAD (AAN): E ta algo cu simplemente ta un yudansa pa atrae mas pisca den e areanan rond di Aruba! E sistema di FADS ta conoci pa algun tempo caba, y kizas e momento a yega pa introduci nan rond di e isla aki tambe.
Den cuadro di esey, un invitacion ta bay na e piscadonan pa atende e presentacion di FADS.
Fish Aggregating Devices (FADS) ta structuranan cu ta atrae pisca. E structura aki ta ancra na fondo di lama (conoci como ‘anchored FADs’) y asina e ta haci su trabao inconcientemente pa atrae mas pisca. Riba e potret aki por mira un FADS cu ta wordo usa na Australia. Aunke tin hende cu ta contra di uso di FADS cu ta garna y kibra crea dolor di cabez, toch e beneficionan ta grandi ora bo usa uno bon y solido. Piscanan cu ta buscando refugio ta usa e FADS aki pa keda biba, y asina ta keda broei,
DIARIO a compronde cu e presentacion aki lo tuma luga na Varadero Aruba Marina Boatyard awe Diaranson 6 di November 2024, for di 7:00 pm te cu 9:00 pm di anochi. Durante e presentacion lo informa di e siguiente pasonan encuanto instalacion di FADS, splicacion di e proceso, y mantenimento. Tur piscado lo haya chens di haci pregunta.
