Aruba One Happy Island Lions Club y Delta Aruba Leo Club cu donacion di 65 tas pa school

ORANJESTAD (AAN): Esaki si ta un bon noticia!  Den e ultimo weekend di augustus Aruba One Happy Island Lions Club y Delta Aruba Leo Club a haci entrega di un total di 65 tas pa scol.

   DIARIO a compronde cu tur tas a worde yena cu utilnan escolar manera schrift, pen, potlood, etui, slijper, binders, schoolmappen, etc.

   Sigur den e aña cu a caba di pasa unda hopi famia a perde entrada door di pandemia e demanda pa haya ayudo di nos club tabata hopi grandi.

   Nan kier a gradici tur e miembronan cu a coopera pa parti e tasnan den tur barionan di Aruba, tambe na tur esnan cu a haci donacion riba nos cuenta di banco, nos sponsornan y pa esnan cu e prome dos Diasabranan di Augustus a haci donacion durante e 2 eventonan di recoleccion di fondo cu nos a organiza na rotonde di Tanki Flip. Sin boso ayuda esaki no por tabata posibel.