Aruba One Happy Island Lions Club a entrega donacion di tablet na Scol

ORANJESTAD (AAN): Recientemente Presidente di Aruba One Happy Island Lions Club, Eugene Dubero, tabata tin e placer di haci donacion di un tablet Scol Pa Ofishi na Brazil.

   E entrega a ser haci na docente Shamira Arends. Cu esaki Aruba One Happy Island Lions Club kier aporta na educacion di nos hobennan pa asina nan por tin un mihor futuro.

   Scol pa Ofishi ta prepara hoben pa nan of sigui nan estudio na EPB of pa nan por drenta mercado laboral.

   Abo tambe por yuda cu proyectonan di Aruba One Happy Island Lions Club y pa haci donacion na e club pa nan por sigui contribui cu comunidad di Aruba por deposita riba cuenta na Aruba Bank # 6005880190.