SAN JUAN: Un dama di 61 aña di edad na Puerto Rico, a perde 21 mil Dollar ora el a wordo estafa pa un homber, kende e muher ta considera di ta su pareha,
kende a pidi placa pa asina e muda y bin biba cune na Puerto Rico, y tambe casa cune. Sinembargo e homber nunca a yega, segun Polis di Puerto Rico a divulga e siman aki.
E dama a bisa Polis, cu e homber yama David Mark Cuevas y el a priminti di lo muda pa biba na Puerto Rico pa conoce y pa casa cune, cu e condicion cu e lo yude cu e gastonan di mudamento.
Di e forma ey e dama a bay di acuerdo pa yuda e homber. El a haci varios transaccion via di Money Order, te na un suma di 21.000 Dollar y cu a wordo cobra pafo di hurisdiccion di Puerto Rico.
Te ainda no a bisa na ki estado of ni ki pais e placa cu e dama a transferi a wordo lanta.
Polis di Investigacion Criminal na Bayamon a cuminza haci investigacion riba e caso. E chens ta grandi cu e homber kizas ni ta biba na Merca, y e pober dama a djis bira victima di un scam.
