Fondonan recauda lo wordo destina na un bon causa
ORANJESTAD (AAN): Aruba Methodist Circuit a sirbi comunidad di Aruba pa mas di 60 aña den diferente programa di asistencia social. Aunke mester a tene cuenta cu e efecto di Covid-19, esaki no a afecta nan deseo di sigui brinda sosten na comunidad.
Diasabra awor 26 di November, di 4 pm te cu 7:30 pm na e Auditorio di John Wesley na Bernhardstraat 259, San Nicolas, ta bay tuma lugar un 'Silent Action and Food Extravaganza' (subasta silencioso y cuminda).
E fondonan recauda lo wordo destina pa varios di e programanan. Manera a menciona ta bay tin benta di cuminda varia y e subasta lo inclui 'gift certificates' pa restaurantnan, paña, sapato, accesorionan, cuminsa, arte, lesnan di computer, salon di beyeza, fotografia, pest control, etc.
Ta bay tin un 5 t-shirts cu firma di Xander Bogaerts y tambe 10 bala.
Un invitacion ta bay na comunidad henter pa pasa diasabra awor na John Wesley na San Nicolas y aporta na e bon causa aki.
