ARUBA MARRIOTT A CELEBRA ‘GLOBAL ASSOCIATE APPRECIATION WEEK’

CU HOPI ACTIVIDAD Y EVENEMENTO PA DUNA APRECIO NA SU ASOCIADONAN

PALM BEACH, ARUBA – Marriott su ‘core value’ di ‘putting people first’ ta un compas primordial den tur locual e asociadonan ta hasi na e hotel, di e servicio caluroso cu nan ta extende na huespednan pa e atencion cu nan ta duna na otro asociadonan y coleganan. Y esaki no ta diferente durante Marriott su ‘Global Associate Appreciation Week’ cual a wordo celebra cu un calendar yena cu diferente actividad y evenemento durante e siman di 16 pa 20 di mei 2022. 

E siman special aki a inicia cu un evento di bowling na Eagle Bowling unda asociadonan por a disfruta di e concepto di ‘crazy bowling’ y karoake. Riba diamars, asociadonan a forma nan grupo pa participa den un evento di sport riba beach, sigi pa ‘cafetaria culture day’ unda un almuerzo special inspira pa diferente cultura a wordo sirbi den cafetaria. E dia di cultura ta un simbolo di Aruba Marriott su aprecio pa un team di asociado multicultural, unda tur cultura ta bon bini y aprecia. 

Diaranson mainta a uni forsa pa haci un beach cleanup di e saliña dilanti di e compleho di Aruba Marriott como parti di e servicio comunitario y despues di merdia, asociadonan a pasa un rato ameno na un evento di paintball na Hot Triggers. Diahuebs atardi e team di Aruba Marriott a haci un ‘nature sunset walk’ den Balashi Gold Mill Ruins. Y pa clausura e siman di Global Associate Appreciation Week, a celebra un mainta di ‘Become’ den Amsterdam Ballroom unda asociadonan por a siña mas di con nan por crece y desaroya nan habilidadnan pa logra nan metanan y den oranan di atardi, e asociadonan a competi den un scavenger Hunt na San Nicolas sigi pa un Happy Hour na Carnival Village. 

“Nos asociadonan ta e curason di nos hotel y ta danki na nan kende ta nos ‘brilliant hosts’ cu ta extende e servicio di calidad halto na nos huespednan, nos por ta orguyoso di tin cantidad halto di huesped cu ta regresa como tambe un rating halto di ‘guest experience’. Y ta pa es motibo nos ta celebra e siman aki den grandi pa asina duna e aprecio na cada asociado pa tur locual nan ta brinda na e compleho di Aruba Marriott”, a comparti Ruthline Theysen – Complex Director di Human Resources. 

Pa esnan interesa pa cuminsa nan carera na Aruba Marriott, por bishita www.marriott.com/careers pa aplica. 

Aruba Marriott Resort & Stellaris Casino a habri na aña 1995 cu 411 camber y a añadi 3 camber na 2018. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado. 

###

CONTACT:

Stacey Banfield, Senior Marketing Manager

Aruba Marriott Resort & Stellaris Casino

520-6654

This email address is being protected from spambots. You need JavaScript enabled to view it.