Director di Enseñansa di Colegio EPI:
ORANJESTAD (AAN): Claudia Whitfield, Director di Enseñansa na Colegio EPI a duna di conoce pa loke ta e opleiding di werktuigbouwkunde cu lo wordo cera pa eerste jaar cu e idea ta pa bay inventarisa den e diferente industrianan kico e necesidad ta pa cu e area aki.
Na Augustus, e docentenan di werktuigbouw lo bay traha riba un curriculum nobo cu ta 'fit' cu e necesidad di e industria actual cu tin pa cu e area aki.
Whitfield a bisa cu teniendo cuenta cu e desaroyonan rond di LNG na Aruba, nan ta habri pa sinta na mesa. A sinta siman pasa caba cu e werktuig organisatie na Aruba, pero tambe nan kier sinta cu area di mercado laboral cu ta bisa kico ta nan 'manpowerplanning' pa e siguiente añanan, pa asina EPI por wak kico ta e necesidad y por brinda curriculum cu ta 'fit' na e necesidad cu Aruba lo bay tin mester di dje den e proximo añanan.
Pa loke ta HORECA, e veld a duna di conoce cu nan tin necesidad den grandi parti di trahadornan riba nivel 2 y riba nivel 3, pasobra nivel 4 ta cay den e categoria di supervisornan, a bisa.
Teniendo esaki na consideracion, EPI por bay den dialogo y señala riba kico nan mester percura di por brinda pa e studiantenan por bay den mercado laboral tambe, Whitfield a expresa.
