Aruba lo finalisa 2021 cu mas di 3000 mil caso activo di Covid-19

Diahuebs a raporta 692 caso nobo y 2769 activo --- *Averahe semanal di 365 caso pa dia

ORANJESTAD (AAN):  Manera a bin ta pronostica, e cifranan di Covid-19 na Aruba ta sigui subi. Segun resumen di diahuebs, 38 persona a recupera y un total di 692 caso nobo di COVID-19 a keda registra di cual 85 ta no-residente.

E cifranan aki ta representa un 'Positivity rate' bou di  residentenan di 59%. E cantidad di casonan activo di COVID-19 ta 2769 y cantidad di fayecidonan relaciona cu COVID-19 ta 181.

Datonan ta ilustra casonan nobo di COVID cu un averahe semanal di 365 caso pa dia y un averahe di 'positivity rate' semanal di 47% pa dia.

Actualmente na Aruba tin 7 persona interna debi na COVID di cual den ICU tin 2 persona y riba piso general tin 5.

Na Colombia tin actualmente 3 persona den ICU y ninguno (0) riba piso general.

Esaki ta e cifranan di Covid-19 pa diahuebs, pero ta pronostica cu Aruba lo cera 2021 cu mas di 3000 caso activo y sigur lo habri 2022 cu otro avalancha di casonan nobo.