Aruba Human Resources Association a tene su prome evento di duna bek na comunidad

ORANJESTAD (AAN): AHRA a tene su prome evento di duna bek na nos comunidad na Huize Maris Stella, beneficiando Stichting Algemene Bejaardenzorg Aruba (SABA).

Nos grandinan a duna nos un bida di sabiduria, guia y cuido, formando un comunidad cu nos ta stima awe. A yega na turno pa duna bek. AHRA ta kere cu ta importante pa laga nos grandi nan sinti gradici, respeta y keri.

            AHRA ta sumamente agradecido na su Directora di Fundraising, Shaline Emernciana, y tambe su comision dedica pa organisa un dia memorabel. Di musica en bibo di Gaita Flow y tambe Caha di Orgel Bucurui pa e bailenan incomparabel y tambe cuminda dushi comparti, tur e momento aki a refleha e poder di comunidad y cuido. E alegria y conexion cu nos a presencia riba e dia aki.

            Sinceramente kier a gradici pa tur e donacionnan/patrocionan ricibi, proveedornan y nos voluntarionan espectacular. AHRA tawata encanta di presenta e donacionnan na Sulima Geerman, Director di SABA.