Aruba Doet ta ofrece e studiantenan di Universidad di Aruba un ambiente unico di siñamento

Mieke de Droog, Universidad di Aruba:

ORANJESTAD (AAN)  Señora Mieke de Droog, ken ta dirigi e Facultad di Arte y Ciencia di Universidad di Aruba, en conexion cu e participacion di U.A den Aruba Doet, cual apertura a tuma lugar Diabierna ultimo, a expresa cu e meta di Universidad di Aruba ta, transforma bida y fortifica comunidad di Aruba, y forma generacionnan di ciudadanonan responsabel cu ta lidera, inspira y contribui specificamente, pa medio di nan esfuerzonan integra den enseñanza superior, siñamento y un pacto special.

   El a señala cu e posicion strategico di Universidad ta di un Institucion lider, logicamente ancra y plenamente comprometi y ta dedica na avanza conocemento y desblokia oportunidad.

   “Colaboracionnan manera esaki ta ofrece nos studiantenan un ambiente di siñamento unico, aki nan ta practica nan habilidadnan di liderazgo den situacionnan di e mundo real. Nan ta experiencia kico ta necesario pa ta un boluntario pa tuma responsabilidad, pa nan comunidad”, señora De Droog a señala, tambe e ta ofrece compronde nan bisiñanan miho, e personanan cu ta nan clientenan, coleganan, etc. “Al fin y al cabo, na final nos tur ta lucha pa nos miho”, señora de Droog a expresa.

   El a agrega cu desde inicio di nan colaboracion cu FCCA na 2018-2019, den nan prome bishita na Madiki y Sero Patrishi, nan a mira un pacto di colaboracion  riba creaccion di balor. Na Sero Patrishi el a cuminza chikito, pero e colaboracion y espacio a crece y bira algo hopi mas grandi.