Aruba cu su showcase di autonan bieu riba acera ta sigui crece

ORANJESTAD (AAN): Ta increible con hendenan ta sigui yama DIARIO, cu peticion pa bay saca potret di mahos bista di autonan bieu

cu ta staciona riba acera, strobando peatonnan di cana.

   Despues di algun siman, atrobe DIARIO tin coleccion di potret saca ultimo dianan.  Bo ta mira cu di berdad nan ta forma mahos bista pa Aruba special pa cierto barionan.  Spera cu Bureau City Inspector tuma nota di e asunto aki y haci algo cu e autonan bieu aki.

   Kizas ademas di bin bek cu Milieustraat, Serlimar kizas por bin bek cu un campaña di recoge auto bieu.  Pasobra algun ciudadano simplemente no sa kico pa haci cu nan auto bieu, y pesey ta djis laga nan keda un banda.

   Corda cu cada tanto tempo, varios vehiculo cu ya tin mas di 20 aña ta yega nan ‘end of life’ y pa haci reparacion ta costa demasiado.  Pues e doñonan kizas ta djis laga nan eyfo y no sa con pa deshaci di nan.