ORANJESTAD (AAN): Despues di explora diferente especie y ecosistema di Aruba,
awor Aruba Conservation Foundation ta continua cu un tema esencial pa futuro di nos naturalesa: “Restauracion di habitat terestre.”
E habitatnan terestre ta sostene un gran parti di Aruba su biodiversidad. Pero presionnan manera perdida y degradacion di habitat, especie invasivo y otro impacto humano por afecta e balans natural. Restauracion ta yuda recupera areanan degrada, fortalece habitatnan y crea miho condicion pa nos flora y fauna nativo prospera.
Publico ta invita pa un encuentro di conocemento, unda lo siña, comparti y descubri con restauracion di habitat por contribui na un naturalesa mas resiliente pa Aruba.
Riba Diamars 1 di September 2026 e lo ta na MFA Paradera. Riba Diahuebs 3 di September e lo ta na Teresita Center San Nicolas. Tur dos ta di 6:45 pm te cu 8:45 pm.
Participacion ta gratis, sinembargo bo tin di registra di antemano na e website aki:
Ban lanta nos bos pa restauracion di nos habitatnan terestre y Aruba su naturalesa. Comunidad ta ser pidi pa yega na tempo.
