Aruba Conservation Foundation a restart e Proyecto di Monitoria e Cascabel hunto cu expertonan di Merca

ORANJESTAD (AAN):  Aruba Conservation Foundation (ACF) a duna di conoce cu nan a restart e Proyecto di Monitoria e Cascabel

den colaboracion cu expertonan di e especie Dr. Jeff Goessling di Eckerd College na Florida y Dr. Matt Cross y su team di The Toledo Zoo na Ohio.

            E continuidad di e colaboracion aki ta enfoca riba studia e colebra endemico di Aruba (Crotalus unicolor) conoci localmente como e Cascabel.

            Recientemente, e team tabata aki na Aruba pa colecta dato valioso basa riba nan habitat y populacion pa sostene nan esfuerso di conservacion y pa train e team di ACF.

            E Cascabel ta un especie cu ta wordo haya solamente na Aruba, haciendo e un parti esencial di nos herencia natural unico. Monitoriando nan movecion y cantidad ta yuda nos proteha nan miho y tambe mantene e habitat di cual nan ta depende.

            Si bo topa cu un Cascabel den bo propiedad, por fabor tuma contacto cu ACF Wildlife Hotline na 592-4476. Nan team lo sigura cu e colebra ta wordo relocalisa na un manera sigur, si ta necesario.

            Bo participacion ta crucial pa proteha e especie remarkable aki y preserva e biodiversidad di Aruba.