Segun Errol de Freitas, Presidente di SNBA:
*Tin tereno hasta pa pone un ‘modular refinery’
ORANJESTAD (AAN) – Den entrevista cu DIARIO, señor Errol de Freitas, Presidente di San Nicolas Business Association (SNBA), a menciona cu tin hopi tereno di e refineria cu por wordo haci limpi; y ta terenonan basta grandi tambe.
Segun Errol de Freitas, si tin mester di tene consideracion cu paisnan manera Venezuela, Guyana, Suriname cu lo tin mester di un back up plan. “Nos tin e area banda di e tankinan cu nos tin, storage tank, locual nos ta yama scrap yard caminda cu e RWZI ta. Eynan tin suficiente lugar pa pone un modular refinery, pero pa mi e resto di e tereno nos por hacie limpi”, de Freitas a menciona.
El a agrega cu e tin cantidad di potret cu por mustra cu cosnan manera e 'puente seco' (dry dock) ta cosnan cu por uza.
El reitera cu na su opinion personal, tin suficiente lugar na otro camindanan, manera WEB mes, kizas unda por pone LNG awendia, pasobra e espacio di tereno cu tin cu a causa problema, segun ‘e nan ta pidi un espacio di 319 mil meter cuadra, cu ta terenonan cu por uza pa sport.
