Aruba Conservation Foundation a duna curso di Prome Auxilio na empleadonan

ORANJESTAD (AAN): Pa sigui brinda un servicio sigur pa nan bishitantenan y pa nan mes,

empleadonan di ACF den colaboracion cu ImSan Aruba unabes mas a participa den Heartsaver First Aid CPR & AED training 2025.

   E entrenamento aki ta fundamental pa nan prepara pa actua den situacionnan di emergencia, asegurando cu tur nos empleadonan tin e conocemento y certificacion necesario pa sirbi nan bishitantenan y nan coleganan ora di bishita areanan di naturalesa protegi.

   E entrenamento aki ta parti di e compromiso di ACF pe eleva e conocemento y habilidad riba e tereno di prome auxilio y siguridad pa cada un empleado.