ORANJESTAD (AAN): Como parti di e festividadnan pa conmemora 100 aña di Aruba Bank,
Aruba Bank a organiza un evento special pa nan empleadonan, durante un "Carnaval Night". E celebracion aki tabata un oportunidad pa e coleganan disfruta di un anochi yena di alegria, creatividad y entretenimento.
A organiza un competencia di decoracion di mascarada di e logo di 100 aña, caminda tur e coleganan por a expresa nan creatividad. E mascaradanan tabata un refleho di color y e ambiente vibrante di nos cultura carnavalesco.
Cu un presentacion espectacular di e banda Tsunami hunto cu e talentoso Soca King Rasta a trece un show inolvidabel cu ritmo di Soca y alegria di Carnaval animando e anochi.
Aruba Bank ta gradici tur empleadonan cu tabata presente y cu a contribui pa e evento aki bira un exito. Nos ta sigui celebra e 100 aña di Aruba Bank, un siglo di confianza, crecemento y compromiso cu nos comunidad y empleadonan.
https://diario.aw/categories/noticia/general/aruba-bank-ta-sigui-celebra-100-ana-cu-su-empleadonan-durante-un-fiesta-di-carnaval#sigProIdbb33a23634