Aruba Bank ta orguyoso di patrocina Juliana School MAVO den Parada Escolar Scolnan Secundario

ORANJESTAD (AAN): Aruba Bank ta orguyoso di anuncia su patrocinio di participacion di Juliana School Mavo den

e Parada Escolar Scolnan Secundario den cayanan di Oranjestad, un evento cu ta celebra hubentud, cultura y e spirito vibrante di Carnaval di Aruba.

   Cu e patrocinio aki, Aruba Bank ta reafirma su compromiso continuo cu educacion, expresion cultural y desaroyo di comunidad.

   Door di sostene e participacion di Juliana School Mavo, e banco ta yuda crea oportunidad pa hubentud expresa nan creatividad, fortalece trabao den ekipo y celebra nos herencia cultural.

   Aruba Bank ta sigui inverti den iniciativa cu ta contribui na crecimento social y cultural di nos isla. E banco ta confirma su dedicacion pa construi un futuro fuerte, inclusivo y dinamico pa Aruba.