Aruba Bank a reconoce empleadonan cu a destaca durante 2022

ORANJESTAD (AAN): Reconocemento di empleadonan di aña den cada departamento ta worde scogi a base di ehecucion di trabao ehemplar durante henter aña.

   E reconocemento ta inclui no solamente e ehecucion di nan responsabilidadnan na un nivel superior pero tambe ariba nan contribucion na e mission, metanan, balornan y strategia di e banco.

    Durante un ceremonia casual na e establecimento Neighba na San Nicolas, empleadonan a bini hunto pa ricibi nan merecido reconocemento y comparti e alegria cu nan coleganan. Tur presente a scucha algun anecdota y storia cortico di e nominado y su contribucion.

   Durante di e ceremonia a anuncia esnan cu a sobresali den nan esfuerso y resultado, di cada grupo. Danella Tromp, Louisette Halley, Herman Brown, y full e departamento di Credit Administration Retail & Corporate Department cu a ricibi nan reconocemento maximo y alavez a otorga Nicolaas Maduro, Sandy Geerman y Mariela Erasmus cu e “Lifetime Achievement Award” pa nan dedicacion pa mas di 40 aña na Aruba Bank.

   Na final di e anochi tambe nos a dedica un “special award” na nos colega Deaxo Croes pa su tremendo perseverancia y dedicacion cu el a demonstra pa nos comunidad cu su tremendo hazaña di Crossing for Prevention.

   Cada un di e empleadonan ta contribui diariamente na e logronan y metanan di nos compania, sin e dedicacion aki mucho no lo ta posibel.
   Esnan nomina a logra destaca durante 2022, y pesey nos ta reconoce nan esfuerso y dedicacion incansabel cu nan a demostra tanto pa e banco como tambe clientenan

.