Aruba Bank a patrocina buki di Foundation Snoop Doggy pa tur mucha di derde klas na Aruba

ORANJESTAD (AAN):  Foundation Snoop Doggy, den colaboracion cu Aruba Bank, tin como mision pa educa mente di nos hobennan tocante e importancia y responsabilidad di tin un animal y pa tene compasion cu nan.     

            E iniciativa di Foundation Snoop Doggy ta enfoca riba crea un serie di bukinan interesante pa lesa pa muchanan entre 6-10 aña, implantando balornan vital y conocemento pa un futuro mihor.

            Nan prome buki ta presenta Snoop Doggy como e personahe principal, inculcando empatia den e muchanan, cuido, y e trato na animalnan door di diferente aventura menciona den e buki.

Aruba Bank, hunto cu Foundation Snoop Doggy, tabatin e privilegio di bishita St. Michael School en conexion cu celebracion di Dia Mundial di Animal pa por a haci entrega oficial di e bukinan educacional aki na muchanan di 3er klas di St. Michael School.

            Danki na Foundation Snoop Doggy pa haci e bishita aki posibel.