Aruba Bank a organiza un cumbre inspirante pa tur empleado

“Reimagining work with AI” cu Amelia Kallman

ORANJESTAD (AAN): Aruba Bank a tene nan cumbre, “Summit 2025” na Gloria, reuniendo tur empleado pa un atardi dedica na innovacion, cooperacion y e futuro di trabao. E tema di e aña aki, “Reimagining work with AI”, a pone atencion riba e rol creciente di inteligencia artificial y con e ta forma parti di e manera cu nan ta traha, pensa y crece como un organizacion.

   E presentacion principal tabata pa Amelia Kallman, futurista internacional y reconoci como un di e top lidernan mundial den tecnologia nobo. Su presentacion dinamico y inspirante a explora e manera cu AI ta transforma industria global, e oportunidadnan cu e ta crea pa organizacionnan manera Aruba Bank, y con empleado por tuma e liderazgo den e cambio positivo.

   Kallman su bista claro a inspira e empleadonan pa pensa mas creativo, puntra asumpcionnan, y mira dilanti pa con AI por eleva tanto experiencia di cliente como operacion interno. E a enfatsa importancia di innovacion central riba e humano, usa AI pa empodera hende, no pa reemplasa nan.

   Despues di e presentacion, empleadonan di tur departamento a disfruta di un “mingle hour”, unda nan a comparti idea, conecta cu otro, y papia tocante e posibilidadnan presenta durante e “Keynote”. E sesion di networking a reforsa compromiso di Aruba Bank pa stimula un cultura di innovacion, aprendisage continuo y colaboracion.

   Aruba Bank ta gradici tur empleado pa nan participacion y dedicacion continuo pa forma e futuro di nan organizacion. E Summit 2025 ta marca un otro paso den nos vision pa crea un lugar di trabao mas inteligente, agil, y inspirante.