Aruba Bank a honra comunidad Chines cu evento exclusivo di negoshi

ORANJESTAD (AAN): Den cuadro di su 100 aña di exsistencia, Aruba Bank ta continua reconoce e contribucion di su clientenan fiel na desaroyo economico di Aruba.

Pa honra e comunidad Chines cu un evento special, Aruba Bank a organiza un “Business Cocktail” exclusivo pa fortalese e lazo di negoshi cu e comunidad Chines y expresa gratitud pa nan confianza y lealtad durante e aña nan.

   E evento a brinda oportunidad pa clientenan di Aruba Bank topa cu e ekipo di “Corporate Banking” den un ambiente relaha. Esaki tabata un momento oportuno pa conecta, y sigui traha hunto riba un futuro exitoso.

   Aruba Bank ta gradici su clientenan pa nan confianza y ta spera di por sigui sirbi nan cu e mesun dedicacion y profesionalismo cu ta un compromiso di e banco.