Aruba Aloe a inaugura espacio nobo pa produci bela

Dedica na Ramoncito Winterdal:

ORANJESTAD (AAN): Durante siman, Prome Minister tabata invitado na e planta di Aruba Aloe, caminda a haci apertura oficial di un lokaal nobo di produccion, unda ta produci bela. Durante e evento, e area di produccion nobo, a keda dedica na Ramoncito Winterdal, empleado ehemplar pa hopi aña na e fabrica.

   E dedicacion aki, ta un simbolo di aprecio pa su dedicacion, compromiso y contribucion significativo na e Aruba Aloe. Maske Ramoncito Winterdal no ta den su miho momento cu su salud, e tabata presente y a forma parti durante e ceremonia, loke a duna un significado aun mas profundo. Winterdal a keda visiblemente honra cu e gesto na su dedicacion.

   Hunto cu Prome Minister Eman, a procede cu cortamento di sinta, simbolisando asina e apertura oficial di e lokaal nobo. E evento a marca un paso importante den e desaroyo continuo di Aruba Aloe y e reconocemento di su trahadonan.