ORANJESTAD (AAN): Den fin di siman, un total di 114 caso nobo di Covid-19 a wordo registra na Aruba, y awor e cantidad di casonan a activo a bula bay halto y yega na 479 caso.
Diasabra: Riba Diasabra, a haya 79 caso nobo (13 ta turista y 66 residente), y aki e 'Positivity rate' ta 32%. Te cu Diasabra e casinan activo tabata 460.
Riba Diasabra, na Hospital: 10 persona interna (3 den ICU, 2 ta den ICU como caso activo y 1 ta den ICU como caso inactivo)
Riba piso general: 7 persona interna (6 caso activo y 1 inactivo)
Diadomingo: Riba Diadomingo, un total di 35 caso nobo di Covid-19 a keda registra (8 ta turista y 27 ta residente). E cifranan aki ta representa un 'Positivity rate' bao di nos residentenan di 25%.
Cantidad di casonan activo di Covid-19 riba Didomingo ta 479 y cantidad di fayecidonan relaciona cu Covid-19 ta 110.
Datonan ta indica un subida continuo di casonan nobo cu un promedio semanal di 54 caso pa dia y un average di 'positivity rate' semanal di 25% pa dia.
Hospital tin 10 persona interna di cual 3 ta den ICU, 2 ta den ICU como caso activo y 1 ta den ICU como caso inactivo y riba piso general tin 7 persona interna di cual 6 ta caso activo y 1 inactivo.
