Aruba a disfruta di un bunita y historico Eclipse Parcial di Luna 

ORANJESTAD (AAN): Aruba Astro Research Int. ta informa cu e Eclipse Parcial di Luna Saros 126 tabata un exito total.

E eclipse parcial mas largo den historia pa cu ultimo 580 aña y parti di umbra di e eclipse a dura masha hopi mes for di 3:09 am te cu 6:36 am cual ta haci e eclipse parcial di luna saros 126 di dia 19 di November 2021 den oranan di marduga esun mas largo den historia den duracion di e sombra umbra.

Aruba Astro Research Int. a cubri e evento for di Sero Preto na San Nicolas.

Awa a yobe y stroba un rato pa cu e observacion pero despues tur cos a sigui normal tabata tin algun nubianan cu tabata pasa pero no cu cielo a sera completo cierto memento tabata tin un clear sky un cielo cla hopi bunita.

Na Aruba a observa y mira mas loke a keda calcula mas cu un ora extra esta 1 ora y 35 min. mas  a haya pa disfruta di e eclipse. Aruba no tabata den e pasada di e eclipse 100% pero a mira mas cu loke mester a mira. Esey ta un logro grandi.

 Na ultimo tabata tin nubianan di awa cu a bin cubri e luna pero asina mes e luna a sali y duna su ultimo briyonan. Por a mira e bahada di e luna den e nubianan di color geel masha bunita y a logra capta e momentonan unico di luna bahando den e nubianan di awa na horizonte. Un eclipse parcial di luna hopi bunita y tabata e eclipse parcial di luna cu casi tabata un eclipse total. 3% so pa e ta total. E sombra di e planeta tera a cubri 97% di e superficie di e luna.

E eclipse parcial mes a inicia pa 3:09 am na Aruba enbes di 3:18 am esta mas trempan.

Aruba Astro Research Int. a logra colecta datonan importante di e eclipse mes na Aruba y saca potret y filma e evento mes na Aruba na Sero Preto San Nicolas.

Aruba por a disfruta di un bunita y historico Eclipse Parcial di Luna Saros 126 cu lo keda marca den historia di Aruba.