Aruba a cumpli cu e Shelter-in-Place

Cayanan tabata keto

ORANJESTAD (AAN): E tabatey djis pa evita cu tin hende innecesario riba caya.  E medida di Codigo Cora combina cu un Shelter-in-Place, a yuda reduci cualkier accident lamentable, net ora cu mas e enfoke di autoridadnan tin di keda riba yudanza na cualkier otro eventualidad.

   Resultado di esey ta cu cayanan tabata bashi!  Watty Vos Boulevard tabata keto.  Green Corridor tabata silencioso.

   E potretnan aki saca door di un ehecutivo di Hotel cu tabata bayendo cas, a demostra con keto e camindanan tabata riba Diaranson anochi na Aruba.

   E yobida no tabata asina hopi.  Segun e informe, Aruba a haya 38.4 mm di yobida.  Un ciudadano na Noord a registra 33 mm riba su aparato.

   Aruba oficialmente a haya mas yobida, compara cu Curaçao y Bonaire.