Diadomingo 25, Dia di Betico:
ORANJESTAD (AAN) Jo-Ann Kock-Ridderstap, artista di arte visual, ta bay participa cu un tayer di trabao, den e celebracion di Dia di Betico, Diadomingo 25 di Januari awo, den Museo Arqueologico Aruba (MANA).
Esaki ta consisti di un borchi den cual e persona ta skirbi su soñonan, y ta bay tin diferente media presente, cu tambe por haci uso di dje.”Bo ta haci uso di coach, bukinan, por skirbi algo, stickernan, pa por cuminza e aña di manera positivo”, Jo-Ann a splica.
Kiermen, e ta un borchi den cual e persona por expresa su mes, pero cada ken ta traha e di su mes, y por bay cas cu ne, y use den henter e aña, y pone un caminda sea camber of cushina, un luga cu bo ta haci uso di dje y enfoca riba dje.
Jo-Ann Kock a splica cu esaki ta algo mental, anto un bez cu bo tin’e bo por pone bo deseonan, manera ‘mi kier ta mas saludabel, mi kier drecha mi situacion financiero, of mi kier pasa tempo cu mi famia’ etc. Tambe por pinta den dje, of pega plachi, potret, stickers, Jo Ann a menciona. E lo tin tres tanda: e prome lo ta 10:30 am pa 11:30 am di mainta, 12’or di merdia pa 1’or traimerdia, y 1’or pa 2’or atardi. E lo tuma lugar den e piso ariba di MANA.
